Biografía.

 

Comeza a experimentar no noso planeta no 2003, cunha mesa chamada "O Ferro" e un tocadiscos de tracción por correa no Aviseiro xunto con Dj Tuchi. No 2006, xa cun equipo en condicións -unha parella de Technics e unha PMC 06- dá o seu primeiro concerto no Porriño xunto co MC portugués Fuse (Dealema), compartido cartaz con Phi-Life Cypher e Rack Eterno. Nesa etapa xa empeza a colaborar con outros artistas da zona como Kedro (Porriño) ou Deloise (Vigo) cos que aparece nos seus respectivos traballos: En Estado Puro e Area 51. No 2010 comeza a colaborar coa banda de jazz fusión A Tribu coa que grava un disco en directo, A Chamada. Alén diso, entre traballo e traballo, colabora con outros artistas como John Connor (Cangas), Marrow (Canadá), Trasnos de Moscoso ou Frank (Vigo), e pegando concertos durante todos eses anos en varios festivais, bares, antros e salas de toda Galiza. Actualmente segue indagando na técnica do scratch para superarse a si mesmo e chegar a ser un auténtico asasino sonoro colaborando en diferentes proxectos cos artistas de Verso Libre e preparando o seu primeiro traballo en solitario.